Եվրոպայի խորհրդի խորհրդարանական վեհաժողովի չորքեքշաբթի օրը ընդունած բանաձեւին քաղաքական վերնախավում սպասում էին շունչները պահած` շահարկման եւ արդարացման բոլոր հնարավոր սցենարներով, բայց… ԵԽԽՎ-ն ընդունեց 1609 բանաձևի կատարման մասին զեկույցը, որով Հայաստանի իշխանություններին ևս 6 ամիս ժամանակ է տրվում `բանաձևի պահանջները կատարելու համար, նաեւ պայման, որ եթե Հայաստանը չկատարի նշված պահանջները, ապա «վեհաժողովը 2009 թ. հունվարի նստաշրջանում կքննի Հայաստանի պատվիրակությանը ձայնի իրավունքից զրկելու հարցը»:

Թեման, ինչ խոսք, կարեւոր է ու ենթադրվում է, որ կարեւոր կլինի մինչ 2009 հունվարը: Ու արդեն շաբաթվա վերջում մամուլում հրապարակումներն ու քաղաքական գործիչների "կրկնակի ճկուն" հայտարարությունները հաշվի առնելով, կարող ենք ենթադրել, որ ԵԽԽՎ-ական բարձր հովանու ու պարավորությունների կատարման անվան տակ քաղաքական ճամբարներում փոխադարձ ցեխ շպրտոցին դեռ երկար է շարունակվելու:

Նախագահը, ապա արտգործնախարարը առիթ կունենա համանախագահների հետ հանդիպմանը կամ պաշտոնական այլ հանդիպումների ժամանակ խոսելու այդ թեմայով եւ վստահեցնելու, որ ամեն ինչ նորմալ է: Ապա ընդդիմության ներկայացուցիչները նույնպես առիթ են ունենենալու հիշելու ԵԽԽՎ բանաձեւը, հանրահավաքներին խոսելու այդ մասին: Ու մինչեւ ժողովրդավարության թեսթի հանձնման լավագույն տարբերակ փնտրող մեր քաղաքական գործիչները ստանդարտացման ժողովրդավարության կոչեր են անում ու հանգստացնում հանրությանը, թե փոխվելու է ամեն ինչ, հետքրքիր կլիներ լսել հենց քաղաքացիների կարծիքը այս ամենի մասին: Ինչ նշանակություն ունի ձեզ համար ԵԽԽՎ պահանջներն ու արդյոք սա է այսօր ժողովրդավարության հասնելու արդյունավետ ճանապարհը?

Մի տարի առաջ այս օրը "Ա1+"-ի կայքում հայտարարություն տրվեց, որ այսուհետ գործելու է "Ա1+"-ի բլոգը, կայքում գովազդային բաներ տեղադրվեց, բլոգում առաջին նյութը դրվեց…

Բլոգ բացելու գաղափարի համար դեռ երկար ժամանակ էինք մտածել, ընկերների հետ խորհրդակցել, անհրաժեշտությունը ծանր ու թեթեւ արել: Ի վերջո, հայկական ոչ լրատվամիջոց բլոգ չուներ դեռ, նախատիպը չկար, վերաբերմունքն էլ ամենաանլուրջից մինչեւ կարեւորագույն կամ սկանդալային կարող էր լինել…

Այսօր, բլոգի մեկ տարեկանին, ես մտածում եմ գրել բլոգի ձեռքբերումների, թերությունների կամ առավելությունների մասին, թե պարզապես ՁԵԶ շնորհակալություն հայտնել: Երեւի վերջինը, որովհետեւ "Ա1+"-ի բլոգը ի սկզբանե ստեղծվել էր ձեր` ընթերցողի կարծիքը լսելու, ձեզ հուզող թեման բարձրացնելու, քննարկելու այն ամենը, ինչը հրատապ է հատկապես ձեզ համար ու արդյունավետ ինֆորմացիայի փոխանակում ծավալելու հենց ձեր միջոցով: Ի վերջո, ճոռոմ չհնչի, բայց բլոգային քննարկումների միջոցով հույս ունեինք քաղաքացիական ակտիվության կոչելու` ինտերնետի այս դարում օրվա հրամայական այն համարելով:

Այսօր ամենից ավելի հույս ունեմ, որ մեր առջեւ դրված խնդիրները փոքր ինչ իրագործել ենք ու թեեւ պատահում ինչ-ինչ ուղղումներ չենք հասցնում անել կամ ինչ-ինչ թերացումներ ենք ունենում, բայց մեր գերխնդիրը` ձեր նեկրայությունը բլոգում ապահովում ենք, ինչը ամենակարեւորն է:

Ի վերջո, եթե փորձենք քիչ ավելի կրեատիվ  լինել, երբ մեկնաբանությունների միջոցով սկսում են ինչ-ինչ քարոզչություն անել,տեղեկատվություն կամ ապատեղեկատվություն տարածել, սա նվազագույնը նշանակում է, որ նման գործողությունների գնացողները քաջ գիտակցում են բլոգի օրական այցելությունների քանակի մասին եւ բլոգը լուրջ ամբիոն են համարում այն:

Այսօր, հենց բլոգի ծննդյան օրը, ուզում եմ քննարկել ձեզ հետ բոլոր բովանդակային, տեխնիկական եւ մյուս թերությունների ու խնդիրների մասին, որոնք պարբերաբար առաջանում են քննարկումների ժամանակ եւ որոնց լուծումը չեք ստանում: Մենք ձեր ակտիվության եւ առաջարկների կարիք ունենք, որովհետեւ սա ձեր բլոգն է եւ դուք պիտի առաջարկեք` ինչն է ձեզ հարմար կամ ոչ:

Եթե անուններով թվարկեի, շատ-շատ երկար նյութ պիսի ստացվեր: Ուստի միայն բավարարվում եմ ՁԵԶ բոլորիցդ շնորհակալություն հայտնելով եւ շնորհավորելով մեր բոլորի ընդհանուր մեծ ձեռքբերման համար` մենք բոլորս մասնակիցն ենք եղել հայկական լրատվական առաջին բլոգերից մեկի ստեղծման ու հայալեզու քննարկումների կուլտուրայի ձեւավորմանը: Խոնհարվում եմ ձեր`(ընթերցողներ կամ այցելուներ բառն այստեղ արդարացված չէ) բլոգի ակտիվիստների առաջ: Շնորհավոր: Լավագույն մաղթանքներով Բլանշ:

“Ա1+”-ի բլոգը իր գործունեության մեկ տարում հասցրել է բազմաթիվ վերելքներ ու անկումներ ունենալ, ակտիվ եւ պասիվ քննարկում կազմակերպել, նոր նախաձեռնություն իրականացնել կամ դադարեցնել: Հարկ եմ համարում բոլորի մասին ընդհանուր վերլուծականով ներկայացնել ձեզ:

Նախ այս մեկ տարում տարբեր նախաձեռնություններ ենք իրականացրել, հարոջվածներից էր նախագահի թեկնածուների կանանց հետ օն-լայն հարցազրույցների շարքը կամ ձեր առաջարկած թեմաների շուրջ քննարկումները:

Հետեւելով թեմաների արձագանքներին, մեկնաբանություններին եւ այցելությունների քանակին, եզրակացնում ենք, որ գործունեության առաջին վեցամսյակում ձեզ ամենից շատ հետաքրքրում էր, թե ով է զբաղեցնելու  նախագահի ապա մյուս կարեւոր պորտֆելները ով է: Հետաքրքրում էր հայ միլիոնատերների կյանքը, թե որտեղ եք հանգստանալու արձակուրդներին, բռնությունների, կրատվամիջոցների գործունեության, հոմոֆոբիայի դեմ պայքարի, Հայաստանում կրոնական ազատությունների, բողոքի ակցիաները, բոմժերն ու այլ թեմաներ:

Գործունեւության 2 վեցամսյակում նախագահական ընտրությունների եւ հետընտրական շրջանում ամեն ինչ քաղաքականացված էր եւ քննարկումները իրենցից ներկայացնում էին սուր վերլուծություններ ու քննադատություններ: Մինչեւ երկուհարյուրի հասնող մեկնաբանություններում բանավիճում էիք, քննարկում եւ թե ով է ավելի արժանավոր, ճիշտ ուղղության վրա կամ սխալ:Այս ժամանակաշրջանում էլ սկսվեցին ակնհայտ քարոզչությունն ու հակաքարոզչությունը, “տաքանալու դեպքում” նաեւ վիրավորանքները:

Արտակարգ դրության ժամանակաշրջանը պետք է առանձնացնեմ: Երբ, օրենքով սահմանաված կարգով դադարեցրեցինք նաեւ բլոգի գործունեությունը` կոչ անելով օգտվել ինֆորմացիայի փոխանակման ձեր իրավունքից, օրական բլոգի այցելությունները 68-72 հազարի հասան եւ ինֆորմացիոն հոսքը իրականում հսկակայակն էր, չհաշված նաեւ միտումնավոր ապատեղակատվությունն ու սադրանքները: Մեր տեղեկություններով բլոգում գրում էին բազմաթիվ լրագրողներ, բլոգերներ, քաղաքացիներ, որոնք ականատես էին միջադեպերի եւ այն մարդիկ, ովքեր առաջին ձեռքից տիրապետում էին ինֆորմացիայի:  Հենց այս շրջանում էլ սկսվեցին նաեւ հայհոյախառն մեկնաբանություններն ու մասնակիցների շրջանում անհանդուրժողական քննարկումները, ինչ ցավալի է:

Ներկայումս բլոգում աշխատում ենք շատ նյութերով չծանրաբեռնել եւ հնարավորություն տալ ձեզ քննարկումը ավելի զարգացնելու` համարերոլվ, որ ինֆորմացիան առանց այն էլ ստանում եք կայքից: Մեզ շարունակում է հետաքրքրել ձեր կարծիքը բոլոր զարգացումների մասին, որոնք տեղի են ունենում մեր երկրում, այդ իսկ պատճառով, վերլուծելով բլոգում թեմաատիկայի գործոնները, առաջարկում ենք ձեզ այս բաժնում առաջարկել բոլոր այն թեմաները, որոնք ձեզ հուզում են կամ որոնք քննարկումը ավելի նպատակահարմար եք տեսնում կամ որոնց մասին ինֆորմացիա չունեք, բայց կուզենայիք ունենալ: Գրեք մեզ: Լավագույն մաղթանքներով  Բլանշ

Այսօր Լեւոն Տեր-Պետրասյանը հանդիպել է "Ժառանգություն" կուսակցության նախագահ Րաֆֆի Հովհաննիսյանի հետ: ՙԺառանգություն՚ կուսակցության լրատվական ծառայությունից հաղորդում են, որ հանդիպման ընթացքում քննարկվել են երկրի առջեւ ծառացած կարեւորագույն խնդիրները, արտաքին քաղաքականության մարտահրավերները, առաջիկա նախագահական ընտրություններին եւ ներքաղաքական զարգացումներին առնչվող հարցեր: 

Ինչ եք կարծում, նշանակում է սա արդյոք, որ առաջիկա նախագահականին "Ժառանգությունը" կաջակցի Լեւոն Տեր-Պետրասյան? Ձեր կարծիքով ՀՀ առաջին նախագահը շանսեր ունի ընդդիմության միասնական թեկնածուն լինելու?

Զուգահեռ ներկայացնենք, որ ՀՀԿ-ն Սերժ Սարգսյանի հնարավորությունները գնահատում է մինչեւ 60 տոկոս` դրանիվ իսկ կանախատեսելով, որ ընտրությունները մեկ փուլով են ընթանալու: Եթե հաշվի առնենք քաղաքագետների այն կարծիքը, որ ընդդիմությունը միասնական թեկնածուի շուրջ կհամախմբվի ընտրությունների առաջին փուլից հետո, (ընդդիմության այն թեկնածուի, ով առավելագույնս ձայներ կհավաքի), իսկ ըստ ՀՀԿ-ի, երկրորդ փուլ չի լինելու, ապա ՀՀԿ-ական տրամաբանությամբ ընդդիմությունը մինչեւ միավորվի, ուշ կլինի:

Հավանաբար սա զգոնության պիտի բերի ընդդիմությանը, քանի որ առաջին փուլը

Հավանաբար հանրահայտ "Comedy club"-ական Գարիկ Մարտիրոսյանի համբավը իր ուրույն դերակատարությունն է ունեցել եղբոր նշանակման հարցում: Ի անակնկալ շատերի` նրա եղբայր, ՄԻԱԿ կուսակցության գլխավոր քարտուղար Լեւոն Մարտիրոսյանը նշանակվել է ՀՀ վարչապետի օգնական: Կուսակցության կայքի պաշտոնական հաղորդագրությունում ասվում է, որ Լեւոնը առայժմ պահպանելու է իր պաշտոնը կուսակցությունում, իսկ դրանից հրաժարվելու դեպքում էլ մնալու է ՄԻԱԿ-ի խորհրդի անդամ:

Կուսակցության մյուս "ձեռքբերումը" ՕԵԿ-ական Սամվել ֆարմանյանի անդամությունն է, ով ըստ իր բառերի` ուրիշ այլ կուսակցությունում իրեն չէր պատկերացնում, մանավանդ որ ծանոթ է կուսակցության կազմին դեռեւս ԵՊՀ-ի ուսանողական տարիներից: Ի դեպ, հենց Ֆարմանյանը "Առավոտին" ասել է, որ իրենց կուսակցությունը առաջիկա նախագահականին սեփական թեկնածուով հանդես չի գալու եւ հավանական է թեկնածուներից մեկին սատարումը, այն է ակտիվ:

Կարծում եմ` առաջիկա նախագահականի եւ կուսակցությունների` թիմերի հարաբերակցության մասին այս ակտիվ քննարկումների շրջանում  մի կուսակցության կողմնորոշումն էլ կարելի է կանխատեսել… Ի դեպ, ՄԻԱԿ-ի ծրագիրը բավականին հաջող է, երիտասարդներն էլ` կարծում եմ բավականին խելացի` ճիշտ կողմնորոշվելու եւ կարիերայում առաջ գնալու ճիշտ ուղղին գտնելու համար:

Մինչ հայկական "ստեղծագործ" ոգին պրպտում է , Ադրբեջանը ռազմատենչ հայտարարություններից բացի սպառազինության "վերջին ճիչերն" է գնում` դրանով իսկ խախտելով ռազմական բալանսը տարածաշրջանում: Հայաստանի դիրքորոշումն այն է, որ չկա դիրքորոշում…

Հերթական անգամ ձախողվում է Քոչարյան-Ալիեւ հանդիպումը: Հայկական կողմի մեկնաբանությունները… Քոչարյանի տրամադրությունը բարձր էր, այնինչ Ալիեւը տխուր էր… Ինչ ստեղծագործ մոտեցում… Հայկական դիրքորոշումը ԵԱՀԿ խաբարբզիկ համանախագահների խառնակիչ հայտարարություններին… Չկա դիրքորոշում…

Ադրբեջանը պատրաստ է քննարկել Գաբալայի ռադիոլոկացիոն կայանի համատեղ օգտագործման հարցը ԱՄՆ եւ Ռուսաստանի հետ: Իրադարձությունների հավանական զարգացումը կբերի տարածաշրջանում Ադրբեջանի գերիշխող կարգավիճակի: Ի՞նչ ենք մտածում: Չէ, "չունենք մտածելու", որովհետեւ չունենք դիրքորոշում…

Ի՞նչ է անում այս անդիրքորոշում դիվանագիտությունը երկրում… Կարծում եմ` մտածում է…

Ղարաբաղում առաջիկա նախագահական ընտրությունից առաջ Արկադի Ղուկասյանը ծուռումուռ խաղեր է խաղում` Բակո Սահակյան, Ղարաբաղի ԿԸՀ տարօրինակ կարգավիճակ: Կանխատեսում եմ, որ ընտրություններից հետո Ղուկասյանը ժողովրդի խնդրանքին ընդառաջ հեղափոխության ճանապարհով պաշտոնավարելու է երրորդ անգամ: Բայց սա միայն ընտրություններից ամիսներ անց: Եվ ինչ, լուծվում էայսպես Ղարաբաղի "խնդիրը":

Մինչ Ղուկասյանը Երեւանում հայտարարում է, թե դուք այստեղ` տաքուկ-տաքուկ նստած, իրավասու չեք որոշելու պատերազմ տեսած ժողովրդի ճակատագիրը, բնական հարց է ծագում. ի՞նչ է ուզածը, ո՞րն է դիրքորոշումը: Արդեն կլիշեի պես ասեմ… դիրքորոշում չկա…

Հռետորական հարց… Ե՞րբ ենք վերջպես դադարելու թքամանը թանաքամանի տեղ օգտագործել…