Մինչ Վրաստանի ընդդիմությունը` միասնական թեկնածու Լեւան Գաչեչիլաձեի գլխավորությամբ ներխուժում է ԿԸՀ նախագահի սենյակ եւ պահանջում վերջինիս հրաժարականը` մեղադրելով ընտրությունները կեղծելու մեջ, ՀՀ նախագահ Ռոբերտ Քոչարյանը շնորհավորական ուղերձ է հղում Միխեիլ Սահակաշվիլիին` Վրաստանի նախագահ վերընտրվելու կապակցությամբ:

Ու եթե հարեւան երկրների նախագահների ու տարածաշրջանում "թեւածող" քաղաքականության համատեքստում սա ինչ-որ կերպ տրամաբանական կարող է դիտվել, ապա տարօրինակ է դառնում ԵԱՀԿ դիտորդների դիրքորոշումը: Եթե Սահակաշվիլին հավաքել է 52, իսկ ըստ ընդդիմությանը ընդհանուր հաշվարկով`  41 տոկոս ձայները, ապա սա կարող են "հալած լուղի" պես ընդունել ԱՊՀ դիտորդները (ինչը անվերապահորեն կրկնվում է վերջին տարիների ողջ հետսովետական երկրների ընտրությունները), բայց զարմանալի է ֆորմալ դիրքորոշման առումով ինչ խաղեր են տալիս ԵԱՀԿ դիտորդները?

Իհարկե, դիտորդական առաքելությունից ի սկզբանե պետք չի ակնկալել բացարձակ անկողմանակալություն` նամանավանդ մի քանի գերտերությունների շահերը ներկայացնող դիտորդական առաքելությունից, բայց գոնե ձեւի համար կարելի է չէ նշել, որ մի երկու "ժողովրդավարությանը չհամապատսխանող" ընտրախախտումներ են եղել են, բայց ոչ "մի երկու թերություններ, որ շտկման կարիք ունեն":

Ու եթե Սահակաշվիլին, իր ժողովրդավարի իմիջը կոտրելուց հետո էլ, կարող է դեռ արեւմուտքին ակնկալիքով նայել, ապա ինչ կլինի Հայաստանի առաջիկա նախագահականի պարագայում? Միայն կարելի է ենթադրել, եթե եղանակը բարեհաճ լինի, ընտրակեղծիքներ էլ են ժողովրդավարական կլինեն, ով գիտի?

"Ընտրությունների ազատության եւ արդարության կարեւոր չափորոշիչներից մեկը տեղեկատվության մատչելիությունն է: Հայաստանի Հանրապետության քաղաքացիների ճնշող մեծամասնության համար տեղեկատվության տպագիր միջոցները տարբեր պատճառներով մատչելի չեն եւ ներքաղաքական զարգացումների մասին տեղեկատվության հիմնական աղբյուրը նրանց համար հեռուստատեսային եթերն է:

ԶԼՄ-ները, հեռուստատեսությունները ընդհանրապես, եւ Հանրային հեռուստաընկերությունը հատկապես պարտավոր են հանրությանը տրամադրել ամբողջական, համակողմանի, հավասարակշռված եւ անաչառ տեղեկատվություն: Մեր խորին համոզմամբ Հայաստանյան հեռուստաընկերությունների ջախջախիչ մեծամասնությունը, Հանրային հեռուստատեսության առաջնորդությամբ, չեն կատարում այս գործառույթը:

Վերը նշված հեռուստաընկերություններին, եւ մասնավորապես Հանրային հեռուստատեսությանը կոչ ենք անում չմոռանալ հանրության առաջ ունեցած պարտավորությունների մասին եւ վերջ դնել հասարակության լայն շերտերին տեղեկատվական շրջափակման մեջ առնելու քաղաքականությանը":

Այսպիսին է ԵՊՀ մի խումբ դասախոսների մտահոգությունն ու վրդովմունքն արտահայտող հայտարարությունը, որում ասվում է, որ 2008 թվականի փետրվարի 19-ին կայանալիք նախագահական ընտրությունների որակը վճռական նշանակություն է ունենալու երկրի ապագայի համար եւ պետք չէ վատագույնս դրսեւորմամաբ ազդել այդ ապագայի վրա: Կարդացեք ամբողջությամբ այստեղ:

Ինչ կասեք ժողովուրդ?

Երդեն երկրորդ օրն է, որ շարունակվում է ՀՀ Սահմանադրական դատարանում քննվել ընտրախախտումների վերաբերյալ "Իմպիչմենտ" դաշինքի, "Նոր ժամանակներ", "Օրինաց երկիր", "Հանրապետություն" կուսակցությունների դիմումները…

Ինչ եք կարծում, ընդդիմությունը հաղջողության կհասնի՞…

Մանրամասները կարդացեք այստեղ եւ այստեղ…

Հետընտրական առաջին հաշվեհարդարը. մայիսի 28-ի գիշերը այրել են Լոռու մարզի 31 ընտրատարածքում մեծամասնականով առաջադրված Լարիսա Փերմուզյանի բնակարանը: Եվ այս ամենը տեղի է ունեցել տկն Փերմուզյանի` Լոռու մարզի դատախազություն ներկայացրած հաղորդումից հետո, որը վերաբերվում էր նույն ընտրատարածքում արված ընտրակեղծիներին:

ՀԺԿ ական Փերմուզյանը օգնության է կանչել հարեւաններին եւ կրակը հաջողվել է հանգցնել: Նշենք, որ դեպքից 3 օր առաջ 31 ընտրատարաքծի նախագահը եւ Փերմուզյանը դատախազությունում բացատրություններ են տվել հաղորդման վերաբերյալ եւ Փերմուզյանը պնդել է հաղորդման մեջ ներկայացված պահանջը` վերանայել քվեարկության արդյունքները:

Փերմուզյանը ընտրությունների օրը 6600 ընտրախախտում էր արձանագրել եւ այդ մասին մամուլում էլ էր արձագանք եղել:

Իր դեմ կատարվածը տկն Փերմուզյանը քաղաքական հաշվեհարդար է համարել, իսկ Վանաձորի Հելսինկյան կոմիտեն ահաբեկչություն որակել:

Կազմվեց նոր խորհրդարանը… իսկ նոր գաղափարներ, նոր մոտեցումներ կլինե՞ն, թե՞ կշարունակվի գզվրտոցը…Առայժմ կանխատեսումներ չեմ անում…

Արդեն <կայացած եւ միջազգային ստանդարտներին համապատասխան>, (ասել է թե 90/60/90) ընտրությունների արդյունքները ամփոփված են, նախագահի <դաբրոն> էլ տված է, չնայած վերջին նշածիս քիչ վերապահումներով եմ մոտենում… Նախագահ Ռ. Քոչարյանի սիրած կուսակցություններից ՄԱԿ-ը չանցավ, մյուս կուսակցություններն էլ ոչ նախանշված տոկոսային հարաբերություններով անցան:

Ինչեւէ, նոր խորհրդարանում նախորդ <բոյկոտասեր ընդդիմությունը> չի լինի, (խոհ` եթե այս տարիների ընթացքում ամեն մեկը մի նախագիծ, մի որեւէ օրենքում փոփոխություններ ու լրացումներ մշակեր, բոյկոտելու եւ խորհրդարան տոնից տոն ներկայանալու փոխարեն, գուցե ամեն ինչ այլ կերպ դասավորվեր): Ամեն դեպքում, Սադոյանը չի լինի եւ ռադիոլսողներին <զարմանում եմ> չի դիմի ամեն առիթով:

Սերժ Սարգսյանի այն արտահայտությունը, թե ԱԺ-ն առանձգական չէ, ինձ շփոթության մեջ է գցում…ախր եթե առանձգական չէ, ամեն շուն ու շանգյալով ինչու՞ զբաղեցվեց այդ 131 աթոռը: Ինչեւէ, հետեւենք 1+1-ի եւ նոր 90/60/90 խորհրդարանի քայլերին: Գուցե մի տեղից լույս բացվի…

"ՙՄենք հպարտ ենք, որ այդ բարելավմանը նպաստել է մեր գործակցությունը կառավարական եւ ոչ կառավարական կառույցների հետ, եւ բարձր ենք գնահատում ընտրական համակարգի շատ պաշտոնատարների անկողմնակալություն"՚, -ասում է Հայաստանում ԱՄՆ դեսպանատունը` գնահատելով Հայաստանի խորհրդարանի ընտրությունը:

Դեսպանատունը հիշատակում է նաեւ, որ ՙընտրական գործընթացի մաս է համարվում նաեւ ի հայտ եկած խնդիրների մանրամասն դիտարկումը, այդ թվում եւ ընտրակեղծիքների եւ ահաբեկումների մասին հնչած մեղադրանքների, որոնք կարող էին ազդել ընտրության որոշակի մասի վրա՚: ՙՄենք հուսով ենք, որ կեղծիքների մասին հնչած մեղադրանքները մանրամասն կուսումնասիրվեն, իսկ հաստատման դեպքում` կլուծվեն դատական կարգով՚, ասված է ԱՄՆ դեսպանատան գնահատականի մեջ:

Միջազգային դիտորդները համարեցին, որ Հայաստանն այս ընտրություններն անցկացրեց  միջազգային կառույցների առջեւ ստանձնած պարտավորություններին համաձայն: Միգուցե միջազգային դիտորդների ‘աչքի առաջ’ լուրջ խախտումներ չեն եղել, որոնք էականորեն կազդեին ընտրությունների արդյունքի վրա:Բայց արդյոք մեր աչքի առաջ էլ ոչինչ տեղի չի ունեցել? Ամեն ինչ անցավ այնպես, ինչպես ‘պետք’ էր? Ու մենք հպարտ ենք, որ կարողացանք ‘ձեւավորել’ խորհրդարան միջազգային չափանիշներին համապատասխան եւ առաջիկա հինգ տարիներին կարող ենք հանգիստ խղճով ապրել, քանի որ մեր քվեն բաժին ընկավ մեր երկրի զարգացմամբ իսկապես մտահոգ ուժերին? Հպարտ ենք ու հանգիստ?

Հայ ազգի հնարամտությունը վերջին ժամանակներս ինձ էլ չի զարմացնում, բայց այս մեկը <վերջն> էր:

Ծանոթներիցս մեկը պատմեց, որ վերջերս իր պապիկը մահացել էր, տեղի նախընտրական շտաբի <շենքով-շնորհքով տղերքը <կարգին թաղում էին արել>,  բարեկամների բերած գումարն էլ մնացել էլ մնացել է մյուս արարողությունների համար…

Դե իրենք էլ պիտի մահացածի հիշատակի <խաթեր>  տղերքի լավության տակից դուրս գան` ազգովի կուսակցության օգտին քվեարկեն!!! (ափսոս, որ  հայերեն այս նշանը չկա)!!!
Երբ այդ նույն <շենքով-շնորհքով տղերքը> նույն գյուղում կարտոֆիլի  սերմնացան էին բաժանում էլի լավության տակից դուրս գալու <անշահախնդիր> ակնկալիքով, փաստորեն դեռ տանելի է, բայց այս մեկը…

Զարմանում եմ, էլ ուրիշ մեթոդ չկա ձայներ հավաքելու??? <Ողբամ զքեզ Հայոց աշխարհ…>

Առաջարկում եմ կարդալ կուսակցությունների ընտրակիաշառքների հետ կապված <ոդիսականներից> այստեղ եւ այստեղ:

Ծաղրանկարը` Արտավազդ Բաղդասարյանի  Echannel