Դրանց վրա արյան հետքեր կան: Գիշերը երկու ծեծվածներներին Ֆրանսիական դեսպանատան մոտից տեղափոխեցին հիվանդանոց: Հիվանդանոցում գտնվող վիրավորներից մեկը հայտնել է, որ գիշերը ծեծվածներին հիվանդանոցում վերաբերվել են արհամարհանքով եւ շատ վատ:
Ի դեպ, քիչ առաջ Ֆրանսիական դեսպանատան մոտ էին եկել ՙԺառանգություն՚ կուսակցության պատգամավոր Անահիտ Բախշյանը եւ օմբուդսմեն Արմեն Հարությունյանը: Նրանք փորձել են մեղմել լարված մթնոլորտը. այս պահին այնտեղ ոչ միայն ցուցարարներ են, այլեւ զինված իրավապահներ: Օմբուդսմենը հայտնել է, որ կգնա բանակցելու զորքը հանելու հարցով:
Ի դեպ, Հայաստանում Ֆրանսիական համալսարանի ուսանողները բոյկոտել են դասերը, եւ երթով բողոքի նամակներ են պատրաստվում հանձնել դեսպանատներին, ՄԱԿ-ին:

Այսօր առավոտվանից Կենտրոնի Ոստիկանության բաժին են բերման են ենթարկվում խաղաղ ցուցարարները:
ՙժառանգություն՚ կուսակցության պատգամավորներին թույլ չեն տալիս մտնել Ոստիկանության շենք: Փոխոստիկանապետ Արարատ Մահտեսյանը պատգամավորներին հայտնել է, որ պատգամավորներին ոստիկանության բաժիներ մուտք գործելը արգելելու հրահանգ չի եղել, սակայն ոստիկանությունում նույնիսկ դուռը բաց չեն անում նրանց առաջ:

Առավոտյան, երբ պատգամավոր Զարուհի Փոստանջյանը Ոստիկանության մուտքի մոտ է եղել, բերել են մոտ 15 մարդու արդեն ձերբակալված: Ապա Կենտրոնի ոստիկանությունից դուրս են հանել եւ տարել տարբեր ուղղություններով եւ ոչինչ չեն հայտնել: ՙԴրանից հետո նորից մարդկանց բերեցին ոստիկանություն` մոտ 15 հոգու եւ թույլ չտվեցին իմանալ, թե ովքեր են: Կենտրոնի ոստիկանության բաժնից բարձրաստիճան պաշտոնյաններից Մխիթարյան ազգանունով մեկը մեզ խոստացել է, որ կես ժամից ներս կմտնանք, սակայն կես ժամը վաղուց անցել է եւ մեզ ոչինչ չեն ասում՚,- ՙԱ1+՚-ին ասաց ՙԺառանգություն՚ պատգամավոր Արմեն Մարտիրոսյանը: ՙԱ1+՚-ի այնտեղ գտնվելու պահին ոստիկանություն մուտքի մոտ Շտապօգնության մեքենա էր կանգած եւ շենքից բժիշկ դուրս եկավ: Բժիշկը հրաժարվեց ներկայանալ եւ որեւէ տեղեկատվություն հայտնել, թե ներսում քանի մարդ կա: ՙԵս չեմ եկել, որ մարդկանց հաշվեմ՚,- ասաց նա եւ փորձեց հեռանալ, սակայն հավաքվածները բժիշկին թույլ չտվեին հեռանալ եւ հետաքրքրվեցին ներսում գտնվողների առաղջական վիճակով:

ՙՇատ ծանր վնասվածքներ չեն՚,- դժկամությամբ ասաց նա, եւ նշեց, իրեն կանչել Գարիկ անունով 60-ն անց մի տղամարդու համար, որի ճնշումը բարձրացել է: Երբ բժիշկն ուզում էր հեռանալ, ոստիկանությունից նրան կրկին հետ կանչեցին ներս եւ այս անգամ նա արդեն դուրս եկավ երկու ոստիկանի ուղղեկցությամբ եւ այն ցուցարարի հետ, որի համար բժիշկ էին կանչել: Ցուցարարը դժվարությամբ բարձրացավ Շտապօգնության մեքենան եւ մեր այն հարցին, թե ինչպես է` դժվարությամբ գլուխը շարժեց:

Ժամը 10:30-ից սկսած Ազատության հրապարակից լուսադեմին ուժի կիրառմամբ դուրս բերված մարդիկ, ւ ձերբակալվածների ու անհետ կորածների հարազատները, նաեւ շարքային քաղաքացիներ, որոնց ոստիկանության աշխատակիցներն ու հատուկ ջոկատայինները ծեծում էին որտեղ որ պատահի, տարերայնորեն հավաքվեցին ՀՀ-ում Ֆրանսիայի դեսպանատան դիմաց: Այստեղ ոստիկանությունն արդեն խիտ շարքերով կանգնած էր: Հավաքվածները, որոնք չեն էլ թաքցնում իրենց վրովմունքը, գնալով ավելանում էին ու վանկարկում` ՙԼեւո’ն, նախագահ՚, ՙԱզատություն՚, ՙՊայքար, պայքար մինչեւ վերջ՚, ՙՍերժի’կ, հեռացիր՚:
Դեսպանատան ներկայացուցիչներից որեւէ մեկը դեռեւս չի հանդիպել ցուցարարներին: Փոխարենը ցուցարարներին արդեն 40 րոպե անց միացել են Հյուսիսային Պողոտայով երթ կազմակերպածների եւ քաղաքացիների նոր խմբեր: Քիչ անց ժամանեցին նաեւ ոստիկանության սաղավարտավոր, վահաններով եւ մահակներով զինված աշխատակիցներ ու հատուկ ջոկատայիններ, որոնք փորձում են շրջափակման մեջ առնել ցուցարարներին, բայց նրանք շարունակում են վանկարկել` ՙՀայեր, միացեք՚: Գրիգոր Լուսավորիչի փողոցի երթեւեկությունը գրեթե կանգնած է, մարդիկ երթուղային տաքսիներից իջնում եւ միանում են հավաքվածներին, անցնող մեքենաների վարորդները ազդակներով եւ բռունցքներով իրենց համերաշխությունն էին հայտնում ցուցարարներին:
Երեկու տրոլեյբուսներ փակել են ավտոմեքենաների ճանապարհը, դրանց վրա ցուցարարները փակցրեցին ՙՀաղթելու ենք՚ մակագրությամբ պաստառներ: Կենտրոնի համայնքին պատկանող մի աղբատար բերեց եւ հենց փողոցի կենտրոնում թափեց այն ամենը, ինչ ոստիկանության գրոհից հետո մնացել էր Ազատության հրապարակում եւ դուրս էր բերվել որպես աղբ` վրաններ, արյունոտ ներքնակներ, երեխայի կոշիկ, սնունդ եւ այլն: Դրանից հետո ցուցարարներից ոմանք զսպում էին հավաքվածներին` ոստիկանության վրա չգրոհելու համար, որոնք գոռում էին` հաղթելու ենք եւ ՙԱրթո’ւր, դավաճան՚:
Դեպանատան առջեւ հավաքվածների թվում էր նաեւ ԱԺ ՙԺառանգություն՚ խմբակցության պատգամավոր Անահիտ Բախշյանը, եկավ նաեւ ՀՀ օմբուդսմենը: Մարդիկ նրան հարցնում էին, թե` մարդու իրավունքների պաշտպան եք, ո±ւր էիք, մարդու իրավունքների պաշտպան էիք: ՙԷն ինչ կատարվեց Օպերայում, հիմա էստեղ շարունակվում է՚,- օմբուդսմենին նախազգուշացնում էին մարդիկ:
Հիշեցնենք, որ ժամը 15:00-ին ՀՀ-ում Ֆրանսիայի դեսպանատան մոտ նախատեսված էր հանրահավաք:

Մարտի 1-ին Մայր Աթոռ Սուրբ Էջմիածինը ներքաղաքական կյանքում ստեղծված իրավիճակի առիթով կոչով դիմել է ժողովրդին, որում ասվում է.
ՙՄայր Աթոռ Սուրբ Էջմիածինն իր անհանգստությունն է արտահայտում մարտի 1-ին Երևանի Ազատության հրապարակում տեղ գտած իրադարձությունների առիթով:
Մայր Աթոռը հորդորում է մեր ժողովրդի զավակներին հանդարտության և զսպվածության, զերծ մնալ ընդհարումներից, նպաստել կայունությանը, որպեսզի հնարավոր լինի խաղաղ պայմաններում երկխոսության ճանապարհով լուծում գտնել ստեղծված քաղաքական իրավիճակին՚:
Ամենայն Հայոց Հայրապետը հանձնարարել է եկեղեցականներին այցելել տուժած անձանց հիվանդանոցում:

Մարդու իրավունքների պաշտպան Արմեն Հարությունյանը քիչ առաջ բանակցել է ոստիկանության հետ եւ Ֆրանսիայի դեսպանատան մոտ հավաքված բազմաթիվ մարդկանց հայտարարել է, որ ոստիկանները թույլ կտան նրանց միանալ նաեւ մյուս ցուցարարներին եւ երթով շարժվել դեպի Վազգեն Սարգսյանի անվան մարզահամալիր եւ այնտեղ անցկացնել հանրահավաք: /Քաղաքապետարանի եւ Ֆրանսիական դեսպանատան մոտ հավաքված մարդկանց միջեւ ոստիկաններ են կանգնած, որոնք արգելում են մարդկանց մոտենալ իրար/ Սակայն մարդկանց այդքան էլ դուր չի եկել օմբուդսմենի առաջարկը: Ելույթ է ունեցել նաեւ Երջանիկ Աբգարյանը, ով Լեւոն Տեր-Պետրոսյանի անունից կոչ է արել ժողովրդին հանդարտվել եւ շարժվել դեպի Վազգեն Սարգսյանի անվան մարզահամալիր: Արմեն Հարությունյանը նաեւ խսոտացել է, որ անձամբ կուղեկցի մարդկանց դեպի մարզահամալիր եւ որ ոչ մի ոստիկան նրանց չի խոչընդոտի: Բանակցությունները շարունակվում են:

Քիչ առաջ վերադարձանք Սուրբ Գրիգոր Լուսավորիչ բժշկական կենտրոնից, որտեղ Ազատության հրապարակից տեղափոխել էին 7 վիրավորների: Կենտրոնի վերակենդանացման բաժանմունքի վարիչ Գագիկ Մանուկյան ՙԱ1+՚-ին հայտնեց, հիմա հիվանդանոցում գտնվող 7 վիրավորների վիճակը բավարար է: Նա հայտնեց, որ շտապ օգնության մեքենայով 2 վիրավորների բերել են առավոտյան ժամը 7:40-ին, ապա 2 վիրավոր էլ բերել են 7:45 - ին, ապա 8.05-ին նորից մեկ հիվանդ, իսկ 10:10 րոպե 2 հիվանդ եւս բերել են:
Ընդունած հիվանդները բոլորը տղամարդիկ են, մենք անմիջապես տագնապ արեցինք, բժիշկներով խորհրդակցեցինք ու հետազոտումից հետո համապատասխան բաժանմունքներում օգնություն ցույց տվեցինք՚,-պատմեց բժիշկը:Ըստ նրա` 4-ի մոտ կա գլխներին` վերքեր, որոնք արդեն մշակվել ու կարվել են, 2-ի մոտ կոտրվածքներ կան, մեկը բրոնխիալ ասթմայով հիվանդ է, ով բժշկի հավաստմամբ նախօրեին եւս դիմել էր իրենց եւ վիճակը կայունացրել էին:
Որեւէ մեկը գիտակցության կորուստ չի ունեցել, որովայնի խոռոչում արյուն կամ հեղուկ չենք հայտնաբերել, դեռ մնալու են բժշկական հսկողության ներքո՚,-հայտնեց Գագիկ Մանուկյանը:
Վիրավորների Գառնիկ Հայրապետյանը պատմեց, որ հարձակումը Ազատության հրապարակում եղել է ժամը 6.20-ի կողմերը:ՙՀանգիստ քնած էինք, ասացին գրաժդանսկի մարդիկ են եկել, բայց մյուս կողմից հասան, սկսեցին ծեծել, կողքիս կին կար, ինքն գետնին թպրտում էր, երեխան էլ, էլ չեմ հիշում ինչ եղավ՚,-պատմեց նա:Ազատամատիկ, 2-րդ կարգի հաշմանդամ Քաջիկ Հարությունյանն էլ պատմում է, որ հարձակման ժամանակ ՙմի հոգուն մի քանի հոգով էին ծեծում, քնած էինք, չհասցրեցինք անգամ պաշտպանվել, ինչ դիմադրություն՚:
Ազատամարտիկի կողքին մահճակալին պառկած էր նաեւ 25-ամյա Արթուր Միրումյանը, ով Ազատության հրապարակում չի եղել եւ ամենեւին էլ կապ չի ունեցել ընդդիմության հետ: Առավոտյան շուտ պապան խանութ էր գնացել, մենք իմացանք, որ քաղաքում վիճակը խառն ա, պապան էլ հա չկար, իջանք պապային գտնելու, Ավովյան փողոցի վրա մեզ վրա հարձակվեցին, մամային հայհոյեցին, ես էլ ասացի, թե ինչու եք հայհոյում, քաշեցին գցեցին գետնին ու սկսեցին ծեծել՚,-պատմեց նա:Հիվանդանոցից դուրս գալիս հանդիպեցինք Արթուրի ծնողներին, ովքեր վրդովված դես ու դեն էին անում, տեղեկություն չունեին որդու վիճակից:
Չէի ուզում, որ տղաս գա, մանավանդ, որ հանգիստ քնած էր իր համար, հարձակվում դաժան ծեծում էին բոլորին, մենք կապ չունեինք՚,-պատմեց մայրը Զեմֆիրա Ղազարյանը:

ՀՀ ոստիկանության հաղորդագրությունը
Փետրվարի 19-ի ՀՀ նախագահական ընտրություններից հետո Լեւոն Տեր-Պետրոսյանը եւ նրա թիմը նստացույց սկսեցին Օպերայի հրապարակում եւ ձեռնարկեցին ամենօրյա ապօրինի հանրահավաքներ ու երթեր, նպատակ ունենալով ապակայունացնել իրավիճակը մայրաքաղաքում:

Հանրահավաքներում հնչում էին սադրիչ հայտարարություններ ու կոչեր: Չնայած ոստիկանության բազմաթիվ նախազգուշացումներին, որ այդ գործողությունները հակաիրավական են, նրանք շարունակում էին կոպտորեն խախտել հասարակական կարգն ու վտանգել հասարակության անվտանգությունը:

Փետրվարի 29-ին օպերատիվ տեղեկություններ ստացվեցին, որ ցուցարարներին պետք է բաժանվեն մեծ քանակությամբ հրազեն, նռնակներ, պայթուցիկ նյութեր մետաղյա ձողեր եւ մահակներ: Տվյալներ կային, որ մարտի 1-ին մայրաքաղաքում պետք է ձեռնարկվեն սադրիչ գործողություններ, հրահրվեն զանգվածային անկարգություններ: Նույնպիսի օպերատիվ տվյալներ էին ստացվել նաեւ Ազգային անվտանգության ծառայությունում:

Ոստիկանության աշխատակիցները, այդ նյութերն առգրավելու եւ իրավիճակը վտանգազերծելու նպատակով, ցուցարարներին կոչ արեցին համապատասխան զննություն կատարելու հնարավորություն տալ: Այս կոչին անսպասելիորեն հաջորդեց նստացույցի մասնակիցների հարձակումը ոստիկանների վրա: Ցուցարարները սկսեցին նրանց վրա նետել քարեր, փայտի կտորներ, մետաղյա ձողեր, բռնկուն նյութերով շշեր եւ այլն: Իշխանությունը բռնությամբ տապալելու եւ իրավապահների արժանապատվությունը վիրավորող կոչեր էին հնչում: Օրինախախտների ագրեսիվությունը աճում էր:

Ստեղծված իրավիճակի անկանխատեսելիությունից եւ իրավախախտումների բնույթից ելնելով, օպերատիվ որոշում կայացվեց` օրենքով նախատեսված շրջանակներում համապատասխան միջոցներ ձեռնարկել: Իրավախախտները սկսեցին դիմադրություն ցույց տալ մահակներով, սուր ծակող-կտրող գործիքներով, մետաղյա ձողերով:
Բախման հետեւանքով ոստիկանների մեջ կան վիրավորներ, որոնք տեղափոխվել են հիվանդանոց:

Անկարգության կազմակերպիչների ու մասնակիցների մի մասը բերման են ենթարկվել ոստիկանության բաժիններ: Կան ձերբակալվածներ: Կազմակերպիչներից ոմանք դիմել են փախուստի: Ոստիկանությունը որոնողական աշխատանքներ է իրականացնում անկարգությունների մասնակիցներին եւ դրդողներին հայտնաբերելու ուղղությամբ:
Կատարվում է քննություն` բերման ենթարկվածների ինքնությունը ճշտելու եւ պատասխանատվության հարցը լուծելու նպատակով:

Հարուցված քրեական գործի շրջանակներում ընթանում են խուզարկություններ:
Զննությամբ Օպերայի հրապարակում հայտնաբերվել է 2 հատ ձայնալուսային նռնակ, 10 հատ Ֆ-1, ՌԳ-42, ՌԳԴ-5, ԱՊ-92 տեսակի նռնակներ` պայթուցիչներով, ՏՏ ատրճանակ` 1 հատ, իսպանական արտադրության ՙԱստրա՚ ատրճանակ` 1 հատ, չեխական արտադրության, 6,35 մմ տրամաչափի ատրճանակ` 1 հատ, ավտոմատի լիցքավորված պահունակ` 2 հատ, մեկ հատ 200 գրամանոց տրոտիլային պայթագլանիկ, ՄՈՒՎ հարվածային մեխանիզմ` 1 հատ, 7,62 մմ տրամաչափի փամփուշտներ` 25 հատ, կարաբինի փամփուշտ` 25 հատ, մեկ տուփ` 30 հատ 5,45 մմ տրամաչափի փամփուշտ, գազի բալոն` 13 կգ կշռով, վրան գրված` ՙքլորոդիքլոմեթան՚, մեծ քանակությամբ երկաթե ձողեր, փայտե մահակներ, երկու հատ ներարկիչ` օգտագործված, 48 հատ ՙտրիստալին՚ տեսակի հոգեմետ դեղահաբ, 10 հատ ՙցիկլադոլ՚, մի քանի տասնյակ, երկաթե ամրաններից պատրաստված ՙոզնիներ՚, մեկ կանիստր բենզին եւ դյուրավառ հեղուկով շշեր:

ՙՀանրապետություն՚ կուսակցության գրասենյակի մոտ հայտնաբերվել է ՙԵրԱԶ՚ մակնիշի ավտոմեքենա` բարձված մեծ քանակությամբ փայտե մահակներով եւ մետաղյա ձողերով: Մեքենայի մեջ հայտնաբերվել են նաեւ այլ պետհամարանիշներ: Միջոցներ են ձեռնարկվում վարորդի ինքնությունը ճշտելու եւ նրան հայտնաբերելու ուղղությամբ:

Հայաստանի Հանրապետության ոստիկանությունը հավաստիացնում է, որ իրավիճակը մայրաքաղաքում լիովին վերահսկվում է, արվում է առավելագույնը անկարգության կազմակերպիչներին արագորեն հայտնաբերելու եւ պատասխանատվության կանչելու, անկարգությունների հետեւանքները շուտափույթ վերացնելու համար:

Քիչ առաջ Լեւոն Տեր-Պետրոսյանի նախընտրական շտաբը տարածեց այսօր Ազատության հրապարակում ձերբակալվածների նախնական ցուցակը:

1. Դավիթ Մաթեւոսյան
2. Արմեն Օհանյան
3. Դավիթ Առաքելյան Կենտրոնի ոստիկանություն
4. Վահագն (Վարդգես) Հայոցյան Կենտրոնի ոստիկանություն
5. Արամ Մանուկյան Կենտրոնի ոստիկանություն
6. Մասիս Այվազյան
7. Լեւիկ Խաչատրյան
8. Հրանտ Բագրատյան
9. Գագիկ Շամշյան (լրագրող) Քանաքեռի ոստիկանություն

ԱՆՀԱՅՏ Է ԳՏՆՎԵԼՈՒ ՎԱՅՐԸ
1. Վահագն Խաչատրյան
2. Ալեքսանդր Արզումանյան
3. Արարատ Զուրաբյան
4. Քրիստ Մանուկյան (Մանուկի)
5. Մանուել Մանուկյան (Մանուկի)
ՎԻՐԱՎՈՐՆԵՐ
1. Արամ Բարեղամյան Հանրապետական
2. Բաբկեն Աթոյան Հանրապետական
3. 3 հոգի Շտապ օգնության
4. 6 քաղաքացի 1 ոստիկան վերակենդանացման բաժնում Մասիվի հիվանդանոց

Այս պահին Գրիգոր Լուսավորիչ փողոցը երկու կողմից փակ է երկու տրոլեյբուսներով: Ցուցարարները ‎ ֆրանսիական դեսպանատան մոտ են բերել Ազատության հրապարակի աղբատար մեքենան, որի մեջ լցված են հրապարակում գիշերողների ներքնակները:

Դրանց վրա արյան հետքեր կան: Գիշերը երկու ծեծվածներներին Ֆրանսիական դեսպանատան մոտից տեղափոխեցին հիվանդանոց: Հիվանդանոցում գտնվող վիրավորներից մեկը հայտնել է, որ գիշերը ծեծվածներին հիվանդանոցում վերաբերվել են արհամարհանքով եւ շատ վատ:

Ի դեպ, քիչ առաջ Ֆրանսիական դեսպանատան մոտ էին եկել ՙԺառանգություն՚ կուսակցության պատգամավոր Անահիտ Բախշյանը եւ օմբուդսմեն Արմեն Հարությունյանը: Նրանք փորձել են մեղմել լարված մթնոլորտը. այս պահին այնտեղ ոչ միայն ցուցարարներ են, այլեւ զինված իրավապահներ: Օմբուդսմենը հայտնել է, որ կգնա բանակցելու զորքը հանելու հարցով:
Հայաստանում Ֆրանսիական համալսարանի ուսանողները բոյկոտել են դասերը, եւ երթով բողոքի նամակներ են պատրաստվում հանձնել դեսպանատներին, ՄԱԿ-ին:

Այն պահին, երբ ոստիկանությունը շրջապատել էր Խաչատուր Սուքիասյանի տունը եւ սկսել խուզարկություն կատարել, ժողովուրդը հավաքվել էր Խաչատուր Սուքիասյանի տան մոտ եւ վանկարկում էր ՙԼեւոն նախագահ՚, ՙՀաղթանակ՚:

Զինված ոստիկանները թույլ չէին տալիս ժողովրդին մտնել բակ, ինչն ավելի բորբոքեց ժողովրդին: Նրանք միայն հայտնեցին, որ քրեական գործ է հարուցված Սուքիասյանի նկատմամբ, իսկ թե ինչ մեղադրանքով կամ առիթով` չպարզաբանեցին: ՙՄենք վախենալու բան չունենք: Մենք ազատ մարդիկ ենք: Դուք եք ստրուկը, որ եկել եք ստեղ ու դրանց հրամաններն ենք կատարում՚,- բղավում էին հավաքվածները եւ ՙԽաչատուր, Խաչատուր՚ վանկարակելով պահանջում հեռանալ ոստիկաններին:
ՙՁեզ Արթուրիկներ են, պետք, որ պաշտոն ստանան