Գիշերային ֆուտբոլին ավարտվում է “ռազբորկայով”
September 11, 2007
Երեւանի տարբեր թաղամասերում ապրող 16-25 տարեկան երիտասարդներ գրեթե ամեն գիշեր հավաքվում են որեւէ մարզադաշտում կամ բաց դաշտում ֆուտբոլ խաղալու: Տղաների խոսքերով` իրենք գիշերն են խաղում, որովհետեւ ՙցերեկն ամաչում են բակում խաղալ,արդեն մեծ են, իսկ գիշերը իրենց ոչ ոք չի տեսնում՚: Չեն տեսնում, բայց լսում են: Շենգավիթի մարզադպրոցի հարեւանությամբ գտնվող բարձրահարկ շենքերի բնակիչները բողոքում են, որ գիշերը չեն կարողանում քնել տղաների ձայներից:
ՙԲարձր գոռում են,ճչում, մեկ-մեկ էլ ժամերով կռիվ են անում,հայհոյում են իրար բարձրաձայն,-պատմում է Նազիկ տատիկը,- էտ էրեխեքի պատճառով քնել չի լինում՚: Իսկ կռիվների պատճառը փողն է: Բանն այն է, որ տղաները ՙգռազով՚ են խաղում, պարտվող թիմը հաղթողին տալիս է 20-25 հազար դրամ: ՙՍկզբում գարեջրի վրա էինք խաղում, հետոª փողի, թվերը գնալով մեծացան ու հասան 25 հազարի,-պատմում է 18-ամյա Գեւորգը,- Թիմում 5 հոգի ենք, պարտվելու դեպքում ամեն մեկս 5000 հազար է տալիս՚: Գիշերային ֆուտբոլը բավականին լարված է անցնում, քանի որ ՙմեջը փող կա՚: Հաճախ թիմակիցների միջեւ վեճ է ծագում , եթե խաղացողներից մեկը թեք հարված է կատարում կամ պատահաբար գնդակը հակառակորդին է փոխանցում: ՙՄենք շատ ենք նյարդայնանում հատկապես երբ պարտվում ենք,- ասում է 21-ամյա Դավիթը,- բոլորն էլ հասկանում են, որ պետք է փող պարտվեն ու իրար վրա մունաթ են գալիս, միմյանց պարտության մեջ մեղադրում՚:
Ավելի հաճախ տղաները վիճում են հակառակորդների հետ: Վեճերը ծագում են, որովհետեւ տղաները ՙփողոցային՚ ֆուտբոլ են խաղում` առանց պահպանելու սպորտային կանոնները: Մրցավար էլ չի լինում, ու եթե մեկը սխալ է թույլ տալիս, եւ հարցը չեն կարողանում լուծել, խաղն ավարտվում է ՙռազբորկայով՚, որը սովորաբար շարունակվում է նաեւ հաջորդ օրը մասնակիցների ավելի մեծ քանակով: 24-ամյա Գարիկը, ով ՙռազբորկաների՚ ամենաակտիվ մասնակիցն է ՙԱ1+՚-ին պատմեց. ՙՎիճում ենք, որովհետեւ հակառակորդները խարդախ են խաղում եւ չեն ուզում իրենց սխալն ընդունել՚: Նկատենք, որ պարտվողներն ավելի ագրեսիվ են լինում եւ փորձում են ՙկռիվ սարքել՚:
Արդարության համար նշենք, որ կան նաեւ երիտասարդներ, որոնց գիշերային խաղերը խաղաղ եւ ընկերական միջավայրում են անցնում:
Կարծում եմ` ֆուտբոլ խաղալը նորմալ երևույթ է, բայց վիճելն արդեն չափազանց…. Թող տղաներն իրենց համար ընտրեն մրցավար` իրենց նկերական միջավայրից, որպեսզի հնարավոր լինի խուսափել բոլոր հնարավոր վեճերից: Ես ֆուտբոլ խաղալ շատ եմ սիրում և նորմալ եմ վերաբերվում դրան` թեկուզ գիշերով, բայց եթե դա արվում է ուրիշների հանգստի հաշվին պետք է արդեն լուրջ քայլեր ձեռնարկել!!!!!!!!!!!
Comment by Արևիկ — September 11, 2007 @ 11:46 am
:)
Comment by Ճուտիկ — September 11, 2007 @ 11:48 am
Կարգին տղերք են, կարգին ֆուտբոլ են խաղում, թող կռվով է ավարտվում, հո ֆուտբոլ է, գիշերն էլ վապշե գեղեցիկ է: Ի վերջո, բոլոր ֆուտբոլի բրենդ երկրներում ֆուտբոլը այդ նշանակությունը ձեռք է բերել քուչից, քուչի խաղերից, քուչի կռիվներից: Իսկ բողոքում են են տունը մնացած ջղայն տատիները, որ չգիտեն բացի երեխեքի կյանքը ուտելուց ինչ անել:
Comment by Seroj — September 11, 2007 @ 8:23 pm
futbolov lini, te inchov, es txneri aracy “Zumar xagal e”, inchy ahavor ban a
Comment by Nina — September 12, 2007 @ 12:02 am
Բայց էդ մարդկանց ժամանցի ձևն էլ այդպես է, իսկ ղումար խաղալը տվյալ դեպքում այլ է. նրանք խաղում են գիշերով` իրենց իսկ հանգստի հաշվին ըստ այդմ էլ փող են աշխատում, դա ղումար չի, դա փող աշխատելու միջոց է, որովհետև մի օր կպարտվեն, մի օր կհաղթեն…
Սերոժ ջան ես քեզ հետ լրիվ համաջայն եմ…
Comment by Արևիկ — September 12, 2007 @ 11:49 am
:)
Comment by A. — September 12, 2007 @ 11:52 am
football khaxaly lav ban e,sport ev aroxcharar dzev khusapel kjanqi dzandrujtic
bajc hasarakutjan verbermunqy khrakhuseli che,ev nujnisk dataparteli te inch e nshanakum mets en amot e,hetaqrqir e profesional futbolistnery 2 terekan en vor futball en khaxum,
bajc uxxaki kareli e gumary inchecnel vory kogni khusapel krivneri bavakanin masic
Comment by Ami — September 12, 2007 @ 12:25 pm
Ում էն ծեծել՞
Comment by Arman G. — November 22, 2007 @ 7:59 am