Մինչ հայկական "ստեղծագործ" ոգին պրպտում է , Ադրբեջանը ռազմատենչ հայտարարություններից բացի սպառազինության "վերջին ճիչերն" է գնում` դրանով իսկ խախտելով ռազմական բալանսը տարածաշրջանում: Հայաստանի դիրքորոշումն այն է, որ չկա դիրքորոշում…

Հերթական անգամ ձախողվում է Քոչարյան-Ալիեւ հանդիպումը: Հայկական կողմի մեկնաբանությունները… Քոչարյանի տրամադրությունը բարձր էր, այնինչ Ալիեւը տխուր էր… Ինչ ստեղծագործ մոտեցում… Հայկական դիրքորոշումը ԵԱՀԿ խաբարբզիկ համանախագահների խառնակիչ հայտարարություններին… Չկա դիրքորոշում…

Ադրբեջանը պատրաստ է քննարկել Գաբալայի ռադիոլոկացիոն կայանի համատեղ օգտագործման հարցը ԱՄՆ եւ Ռուսաստանի հետ: Իրադարձությունների հավանական զարգացումը կբերի տարածաշրջանում Ադրբեջանի գերիշխող կարգավիճակի: Ի՞նչ ենք մտածում: Չէ, "չունենք մտածելու", որովհետեւ չունենք դիրքորոշում…

Ի՞նչ է անում այս անդիրքորոշում դիվանագիտությունը երկրում… Կարծում եմ` մտածում է…

Ղարաբաղում առաջիկա նախագահական ընտրությունից առաջ Արկադի Ղուկասյանը ծուռումուռ խաղեր է խաղում` Բակո Սահակյան, Ղարաբաղի ԿԸՀ տարօրինակ կարգավիճակ: Կանխատեսում եմ, որ ընտրություններից հետո Ղուկասյանը ժողովրդի խնդրանքին ընդառաջ հեղափոխության ճանապարհով պաշտոնավարելու է երրորդ անգամ: Բայց սա միայն ընտրություններից ամիսներ անց: Եվ ինչ, լուծվում էայսպես Ղարաբաղի "խնդիրը":

Մինչ Ղուկասյանը Երեւանում հայտարարում է, թե դուք այստեղ` տաքուկ-տաքուկ նստած, իրավասու չեք որոշելու պատերազմ տեսած ժողովրդի ճակատագիրը, բնական հարց է ծագում. ի՞նչ է ուզածը, ո՞րն է դիրքորոշումը: Արդեն կլիշեի պես ասեմ… դիրքորոշում չկա…

Հռետորական հարց… Ե՞րբ ենք վերջպես դադարելու թքամանը թանաքամանի տեղ օգտագործել…

Ահա եւ նոր կառավարության կազմը: Ուշադրություն դարձրեք վերանշանակված նախարանների "թիմին"… Բացի այդ, ավելորդ չէ նշել, որ կառավարությունը համատարած "հանրապետական" է:

Նշենք, որ մի նախարարի պորտֆել ավելացել է: Այսուհետ մշակույթի նախարարությունը առանձին է սպորտի ու երիտասարդության հարցերի նախարարությունից:

• Աղվան ՎԱՐԴԱՆՅԱՆ(ՀՅԴ)- ՀՀ աշխատանքի եւ սոցիալական հարցերի նախարար
• Հարություն ՔՈՒՇԿՅԱՆ(ԲՀԿ)- ՀՀ առողջապահության նախարար
• Ներսես ԵՐԻՑՅԱՆ(ՀՀԿ)- ՀՀ առեւտրի եւ տնտեսական զարգացման նախարար
• Գեւորգ ԴԱՆԻԵԼՅԱՆ(ՀՀԿ)- ՀՀ արդարադատության նախարար
• Վարդան ՕՍԿԱՆՅԱՆ- ՀՀ արտաքին գործերի նախարար
• Արամ ՀԱՐՈՒԹՅՈՒՆՅԱՆ(ՀՀԿ)- ՀՀ բնապահպանության նախարար
• Դավիթ ԼՈՔՅԱՆ(ՀՅԴ)- ՀՀ գյուղատնտեսության նախարար
• Արմեն ՄՈՎՍԻՍՅԱՆ(ՀՀԿ)- ՀՀ էներգետիկայի նախարար
• Մանուկ ԹՈՓՈՒԶՅԱՆ- ՀՀ կառավարության աշխատակազմի ղեկավար-նախարար
• Լեւոն ՄԿՐՏՉՅԱՆ(ՀՅԴ)- ՀՀ կրթության եւ գիտության նախարար
• Հասմիկ ՊՈՂՈՍՅԱՆ- ՀՀ մշակույթի նախարար
• Միխայիլ ՀԱՐՈՒԹՅՈՒՆՅԱՆ(ՀՀԿ)- ՀՀ պաշտպանության նախարար
• Արմեն ԳՐԻԳՈՐՅԱՆ(ՀՀԿ)- ՀՀ սպորտի եւ երիտասարդության հարցերի նախարար
• Հովիկ ԱԲՐԱՀԱՄՅԱՆ(ՀՀԿ)- ՀՀ տարածքային կառավարման նախարար
• Անդրանիկ ՄԱՆՈՒԿՅԱՆ(ՀՀԿ)- ՀՀ տրանսպորտի եւ կապի նախարար
• Վարդան ՎԱՐԴԱՆՅԱՆ(ԲՀԿ)- ՀՀ քաղաքաշինության նախարար
• Վարդան ԽԱՉԱՏՐՅԱՆ(ՀՀԿ)- ՀՀ ֆինանսների եւ էկոնոմիկայի նախարար

Հնչում է պետական օրհներգն, ու պատգամավորները խելացի դեմքերով, նոր կոստյումներով նայում են դեպի պայծառ ապագա… իր աշխատանքը սկսեց չորրորդ գումարման Ազգային ժողովը…

Ահա եւ մեր` եվրոպական ստանդարտներին համապատասխանող 90/60/90 խորհրդարանը:

Եկեք քննարկենք, թե ինչ ակնկալիքներ ունեք նոր Ազգային ժողովից?

Որ պատգամավորներից եք ակտիվություն ակնկալում?

Երդեն երկրորդ օրն է, որ շարունակվում է ՀՀ Սահմանադրական դատարանում քննվել ընտրախախտումների վերաբերյալ "Իմպիչմենտ" դաշինքի, "Նոր ժամանակներ", "Օրինաց երկիր", "Հանրապետություն" կուսակցությունների դիմումները…

Ինչ եք կարծում, ընդդիմությունը հաղջողության կհասնի՞…

Մանրամասները կարդացեք այստեղ եւ այստեղ…

Վարչապետ Սերժ Սարգսյանը ասել է մտավորականներին աղմուկ չբարձրացնել, եթե ազատագրված տարածքները տրվեն Ադրբեջանին: Ակադեմիկոս Լենսեր Աղալովյանին եւ մի քանի այլ մտավորականների, ովքեր մի շաբաթ առաջ հանդիպում էիր ունեցել նախագահ Քոչարյանի հետ եւ քննարկել ԼՂՀ հիմնահարցը, հանդիպել է նաեւ Սերժ Սարգսյանը: Նա մտավորականներին ասել է, որ "փոքր երկիր ենք, բանակը պահելու համար առնվազն 5 մլն է պետք……Կաշխատենք Լաչինը պահել": Մանրամասն այստեղ:

Հունիսի 10-ի Քոչարյան եւ Ալիեւ հանդիպման նախօրեին նման նման լարվածությունը լավատեսություն չի ներշնչում այն պարագայում, երբ խոսվում է, որ հայկական բարձրաստիճան պաշտոնյաները պատրաստ են շահարկման առարկա դարձնել մի ամբողջ ժողովրդի արյունով ազատագրած հողը:

Ավելորդ չէ խոսել Սերժ Սարգսյան "ավտարիտետի" մասին նաեւ ՀՀ սահմաններից դուրս: Այն որ այսուհետ բոլորը միայն վարչապետին են դիմում` առհամարելով բոլոր նախարարական պարտֆելները եւ հավատալով, որ միայն վերջինիս միջամտության դեպքում հարցը կլուծվի, նորություն չէ: Հեռու չգնանք, հենց այսօր Հյուսիսային պողոտային բնակիչները սպասում էին վարչապետի հետ հանդիպմանը կամ հանդիպման էր սպասում նաեւ Հակոբկոխյանը: Նորություն չէ նաեւ, որ վարչապետի սրտով է մշակում կառավարության նոր կազմը:

Նուրություն է այն, որ Բաքվի քաղաքագետներն են արձանագրում վերջինիս "դաբրոյի" նշանակությունը: Day.Az-ը գրում է, որ Քոչարյան-Ալիեւ հանդիպումը հնարավոր է ընդհանրապես չկայանա, եթե Սերժ Սարգսյանը իր թողտվությունը չտա, ավելորդ է խոսել անգամ փաստաթղթի ստորագրման մասին:

Ի՞նչ է դուս գալիս… Եթե հանդիպումը այնուամենայնիվ կայանա, ապա փաստաթուղթ կստորագրվի տարածքների հանձնման մասի՞ն:

Մտահոգիչ է եւ Ղարաբաղյան կարգավորման գործընթացի այս տեսակ զարգացումը, եւ մեր երկրի` միապետության վերածման հանգամանքը:

Լեւոն Գուլյանը  իրավապահ մարմինների միակ զոհը չէ: Վերջին տարիներին ոստիկանատներում ու մեկուսարաններում սպանվածների թիվը մեկ տասնյակը անցնում է: Այդ դեպքերի մասին կարդալիս նկատեցի Գուլյանի միջադեպին խիստ նման մեկը.

1998 թ-ին Աբովյան քաղաքի Ներքին գործերի վարչությունում սպանվել է Էդուրադ Վարդանյանը: Ըստ պաշտոնական հաղորդագրության` նա, փորձելով փախչել 3-րդ հարկի պատուհանից, ընկել եւ մահացել է: Ոչ ոք պատասխանատվության չի ենթարկվել:

Բոլոր միջադեպերի ցուցակը հրապարակել է "ԱրմենիաՆաուն", որտեղ 7 դեպերում ոչ ոք պատասխանատվության չի ենթարկվել եւ միայն 3 դեպքում է չնչին պատիժ նշանակվել իրավապահներին, այն էլ պայմանական:

Առավել դաժաններից ու անհայտներից է 17-ամյա Սամվել Վիրաբյանի միջադեպը, ում 1997-ին Երեւանի Նոր Նորքի ՆԳ բաժին վերման են ենթարկել եւ մի քանի օր անց ծնողներին հանձնել նրա դիակը` բռնության ակնհայտ հետքերով: Էլի ոչ ոք պատասխանատվության չի ենթարկվել:

Երկու միջադեպերում էլ 23-ամյա Գալուտ Դիլանյանի եւ Բաբկեն Սողոմոնյանի դեպում էլ պաշտոնական հաղորդագրության մեջ ասվում է, որ ինքնասպանություն են գործել` կախվելով:

Երեկ հրապարակված Գուլյանի դիակի դատաբժշկանան փորձաքննության եզրակացությունում ասվում է, որ Գուլյանի մահը պայմանավորված է կյանքի հետ անհամատեղելի մարմնական վնասվածքներով: Ի դեպ, այնտեղ չի խոսվում ընկնելուց առաջ մարմնական վնասվածքների մասին, այնինչ Գուլյանի հարազատները պնդում են, որ միջադեպի նախօրեին Գուլյանը ծեծված է տուն վերադարձել:

Վերջին ժամանակներս շրջանառվում է այն վարկածը, որ իրոք հնարավոր է Գուլյանը փախուստի դիմելու անհոջող փորձի հետեւնաքով զոհված լինի` այն պատճառով, որ մայիսի 9-ի սպանության գործով նա հավանական կասկածյալ էր (իր ընկերների դեմ ցուցմունք չէր տա) եւ ոստիկանները հուշել են, որ աչքերը կփակեն վերջինիս փախուստի վրա:

Ի դեպ, "Առավոտը" գրում է դատախազության հայտարարության ապատեղեկատվության մասին, ըստ որի Գուլյանը հարցաքննվել է 1-ին բաժնի պետ Գեւորգ Թադեւոսյանի եւ նույն բաժնի պետի տեղակալ Արայիկ Մգոյանը, Երբ Գուլյանը ջուր է խնդրել Ա. Մգոյանից,  եւ երբ վերջինս ջուր բերելու համար դուրս է եկել, նա, միայնակ մնալով բաժնի պետի աշխատասենյակում, փորձել է պատուհանից փախուստի դիմել, սակայն վայր է ընկել ու մահացել: Սակայն իրականությունն այն է, որ Գուլյանը վայր է ընկել ոչ թե բաժնի պետ Գ. Թադեւոսյանի, այլ նրա տեղակալի, փոխգնդապետ Արայիկ Մգոյանի աշխատասենյակից: Դա փաստել են նաեւ լրագրողները, ովքեր ՀՀ ոստիկանության հրավերով եղել են դեպքի վայրում:

Խճճված է պատմությունը եւ սպասել է պետք փորձաքննության մյուս արդյուքներին: Այնուամենայնիվ, ինչպիսին էլ այն լինի, Լեւոն Գուլյանի սպանության համար պատասխանատու են իրավահապ մարմինները, մահվան դեպքն արձանագրվել է ոստիկանության շենքում: Ի վերջո, անպաշտպան են մենք` ՀՀ քաղաքացիներս, իրավապահ կառույցում: Աբսուրդ է… Հաջորդը ես եմ կամ դու…

Նկարը "Արմենիանաու"-ի` Գուլյանի ընտանեկան ալբոմից: