<Հույսը> կտրեց շատ ուսանողների հույսը
May 8, 2007
<Գովքն վարչապետի` ի բարորություն Հայաստանի>… ԵՊՀ ուսանողության < հանրապետական ակտիվ> եւ մի քանի տասնյակ < ոչ հանրապետական ակտիվ> ուսանողները այսօր ծափողջույններով, հոտընկայս, այլ կերպ ասած նախագահավայել դիմավորեցին Սերժ Սարգսյանին, ով եկել էր պատասխանելու < Հույս> ուսանողական շարժման` նախօրեին ներկայացրած հարցերին:
Ցավոք, այսօր < Հույսը> կտրեց շատ ուսանողների հույսը, ովքեր օգեւորված էին ուսանողական շարժում գաղափարից… պարզաբանեմ…
Այսօրվա հանդիպումը ցույց տվեց, շարժումը ոչ ինքնաբուխ, ռեկտորատի հովանու ներքո եւ Սերժ Սարգսյանի վաղաժամ նախագահական քարոզարշավին ծառայող չձեւավորված կառույց է: Վարչապետին տրվելիք հարցերը նախօրոք պատրաստվել էին եւ < գլավլիտի> տակով անցել…< մարդ ես…ավել-պակաս>: Չնայած կարծում եմ` այստեղ արջի ծառայություն էին մատուցել: Իսկ արդեն հոգնած կամ դահլիճի մեծամասնության կարծիքը չկիսող ուսանողներին թույլ չտրվեց դուրս գալ: Հույսականները կանգնել էին մուտքի դռների մոտ եւ հորդորում էին սպասել հանդիպման ավարտին:
Հետաքրքիր մանրամասներ… Սերժ Սարգսյանը ասաց, որ մայիսի 13-ին` քվերակությոնից հետո, հայտարարությամբ հանդես կգա, եթե որոշի դնել իր թեկնածությունը 2008-ի նախագահականին: Այն կախված է խորհրդարանական ընտրություններին շատ քվեներ հավաքելու հետ: Ինքը ակնկալում է ժողովրդի աջակցությունը:
Վարչապետը գտնում է, որ միասնության շրջանը լավ նախաձեռնություն է, սակայն ճիշտ ժամանակ չի ծրագրված: Մայիսի 9-ի օրով փակել ճանապարհները, խցանումներ առաջացնել այդքան էլ տեղին չէ եւ ինքը կփորձի նպաստել վերջինիս հետաձգվելուն:
<Հույսին> վերաբերվող այլ մանրամասներ E-channel-ի բլոգում: Կարդացեք նաեւ այս:
Ete petakan buhn a tenc dimavorum Serjin, uremn hastat mi ban ka, yaxk, hajord naxagah@ inqn a linelu. Gna dzoric gcvi, Hayastan
Comment by Patahakan aycelu — May 8, 2007 @ 9:04 pm
Փաստորեն, Սերժը փչացրեց միասնության շրջանը: Ինչ վատ ա, մենք էլ ոգեվորված ասպասում էինք
Comment by Garik — May 9, 2007 @ 8:06 pm
Գարիկ ջան, ասեմ, որ բոլորն էին ոգևորված սպասում: Բայց ինչ-որ մի …. որոշումով, բոլորը նստեցին տեղները ու ոչմեկ ոչինչ չարեց: Տեղն ա հայերին, ինչ ասում են վռազ գլուխները կախ անում են` չմոռանալով մեծ-մեծ դուրս տալ:
Comment by Saucy — May 10, 2007 @ 1:17 pm