"Մամայիս օպերացիայի համար փող կտաք",-բոլոր անցորդներին դիմում է շիկահեր, նիհարիկ մուրացիկ պատանին եւ նայում աչքերիդ: Եվ այսպես Պետհամալսարանի, Տնտեսագիտական համալսարանի եւ այլ մարդաշատ վայրերում` ամեն անգամ հուզվելով: Իսկ երբ հարցնում ես, թե "մամայիդ ինչն է հիվանդ", ասում է, որ կույրաղիքը պայթել է արդեն երկու տարի է, գումար եմ հավաքում, որ բժշկի տանեմ":
Կարդացեք նյութի շարունակությունը այստեղ…
Հետընտրական առաջին հաշվեհարդարը. մայիսի 28-ի գիշերը այրել են Լոռու մարզի 31 ընտրատարածքում մեծամասնականով առաջադրված Լարիսա Փերմուզյանի բնակարանը: Եվ այս ամենը տեղի է ունեցել տկն Փերմուզյանի` Լոռու մարզի դատախազություն ներկայացրած հաղորդումից հետո, որը վերաբերվում էր նույն ընտրատարածքում արված ընտրակեղծիներին:
ՀԺԿ ական Փերմուզյանը օգնության է կանչել հարեւաններին եւ կրակը հաջողվել է հանգցնել: Նշենք, որ դեպքից 3 օր առաջ 31 ընտրատարաքծի նախագահը եւ Փերմուզյանը դատախազությունում բացատրություններ են տվել հաղորդման վերաբերյալ եւ Փերմուզյանը պնդել է հաղորդման մեջ ներկայացված պահանջը` վերանայել քվեարկության արդյունքները:
Փերմուզյանը ընտրությունների օրը 6600 ընտրախախտում էր արձանագրել եւ այդ մասին մամուլում էլ էր արձագանք եղել:
Իր դեմ կատարվածը տկն Փերմուզյանը քաղաքական հաշվեհարդար է համարել, իսկ Վանաձորի Հելսինկյան կոմիտեն ահաբեկչություն որակել:
Արդեն անտանելի է դառնում այդ ռուսական շովինիզմը…
Մայիսի 25-ին Մոսկվայում սպանվել է 30-ամյան Ահարոն Տիգրանյանը, ում մարմինը գտել են շենքի բակում, դաժանաբար սպանված սուր կտրող գործիքով: Առայժմ միայն գիտենք, որ նախօրեին վիճաբանություն է եղել սպանվածի (ով ապրում էր ազգականների տանը) եւ մի բելոռուսցու միջեւ: Այժմ բելոռուսցին ձերբակալված է…
Սպասենք դեպքի մանրամասներին եւ մեղավորների պատժմանը` չնայած վերջին ասածիս արդեն խիստ կասկածում եմ…
Բանն այն է, որ ռուսական իշխանությունները համարյա բոլոր` ազգայնական հողի վրա կատարված սպանությունները տեղափոխում են կենցաղային դաշտ, ասենք խուլիգանություն կամ կողոպուտ որակում, դրանով իսկ պետական մակարդակով խրախուսելով ազգայնոմոլությունը: Միայն հիշեցնեմ, որ անցած տարի Ռուսաստանում սպանվեց 12 հայ, հիմնականում երիտասարդ…
Իսկ ընդհանրապես, Հելսինկյան կոմիտեի տվյալներով անցած տարի Ռուսաստանում 402 այլազգիներ են ենթարկվել բռնության, մեծ մասը կովկասցիներ…
Դատապարտելով այս հարցում Կրեմլի դիրքորոշումը, չմոռանանք "հերոս" հայկական իշխանություններին…
Նախկինում Ռուսաստանում ՀՀ քաղաքացիների սպանություններից ոչ մեկի դեպքում հայկական դիվանագիտությունը խիստ դիքորոշում չունեցավ, դրանով իսկ չպաշտպանելով իր քաղաքացիներին, "ազգայնական կազմակերպությունների ջրաղացին ջուր լցնելով"…
Չէ, այսպես շարունակվել չի կարող, մի բան եկեք ձեռնարկենք…
Հայկական ռադիոն լռում է, հետո հայտարարում է, որ խուլերի համար հաղորդումն ավարտվեց…
Հայկական ԶԼՄ-ները մի քիչ խոսում են, հետո լռում, ընտրություններն ավարտվեցին…
Հիմա, հետընտրական քիչ թե շատ պասսիվ գործընթացներում, երբ արդեն կարելի է գնահատականներ տալ, եկենք "առժանին" մատուցենք այն լրատվամիջոցներին, որոնք համարյա օբյեկտիվ լրատվություն տվեցին`չյանած նախորդած ամիսներին արդեն կարգին գովազդել էին "ում, որ պետք է": Խոսքը հետուստատեսությունների մասին է, որոնք հիմա կամաց-կամաց վերադառնում են նախորդ ռեժիմին` "գովքն կառավարության, ի նշան…"
Նշեմ, որ թերթերն իրենց տեմպից չընկան, համարյա: Ասել է թե վատ չաշխատեցին:
Առաջարկում եմ քննարկել հայկական լրատվամիջոցների աշխատանքը նախընտրական եւ հետընտրական շրջանում:
«Պաբերս էլ են ըդպես էղել, թոռներս էլ ըդպես կեղնին»… «Շանթի» եթերում Գյումրու քաղաքապետ Վարդան Ղուկասյանի բազմիցս արտասանված այս խոսքը՝ Գյումրի քաղաքում կրակոցներ արձակելու ու մինչև ատամները զինված ու «ջիպերով–համերներով» քաղաքի ամենաբանուկ փողոցներով մեկ կրակոցներ արձակելով «ընգերոջ թասիբը» քաշելու դեպքերի մասին է՝ մերծարգո պարոն քաղաքապետի որդո՞ւ, թե ազգականի՞ և նրանցից ոչ պակաս «մայֆոզ» Արտաշես Սարգսյանի որդո՞ւ, թե ազգականի՞, թե, ինչպես ասում է պատվարժան դատախազությունը՝ անհայտ մարդկանց մասին։
Դե, եթե Գյումրիի քաղաքապետի ու Շիրակի մարզում Բարգավաճ Հայաստան կուսակցության կառույցի ղեկավար, նախկին մարզպետարանի շինվարչության «ջոջ» Արտաշես Սարգսյանի տղաները դատախազության համար անհայտ մարդիկ են, ուրեմն ես էլ «Պողոս, Պետրոս, Մարտիրոսն» եմ՝ Քրիստաֆոր Կոլոմբոսն էլ վրադիր։
Հա, ինչ էի ասում՝ ուրեմն քաղաքապետը բոլորին պատրաստ է ներել, վերջերս իր վրա արձակված կրակոցների հեղինակներին, բայց եթե իր տղան հանկարծ կարմիր լույսի տակով անցնի՝ վիզը կկտրի։ …բայց կրակել, «գանյատ անել», թասիբ քաշել՝ կարելի է, ախր էրեխեն հորն է քաշել…
Գյումրիում կատարած իր մեծագործություններից քաղաքապետը նշեց, որ այլևս պատերի տակ պպզած տղաների չեք տեսնի։ …աչքիս՝ նրանք բոլոր հիմա «ջիպերով» են ման գալիս ու կրակում են ում պատահի։ Մնում է հպարտությամբ լցվեմ հարազատ քաղաքիս նկատմամբ, որն էջմիածնի հետ համընթաց գլխավորում է Հայաստանի կրիմինալացված քաղաքների ցանկը։ Ինչ ասեմ՝ Գյումրի քաղաքի մասին կարդալու բան վերջին օրերին շատ է հայտնվում լուրերում՝ կարդացեք.
http://www.a1plus.am/amu/?page=issue&iid=49717
http://www.a1plus.am/amu/?page=category&cid=6
http://www.a1plus.am/amu/?page=issue&iid=49581
http://www.a1plus.am/amu/?page=issue&iid=49545
http://www.a1plus.am/amu/?page=issue&iid=49706
Պաշտոնական աղբյուրները բացառում են փոխհրաձգության քաղաքական պատճառները (փոխհրաձգությունը տեղի է ունեցել Գյումրու քաղքապետ Վարդան Ղուկասյանի ("Հանրապետական") եւ "Բարգավաճ Հայաստան" կուսակցության տարածքային գրասենյակի ղեկավար Արտաշես Սարգսյանի որդիների միջեւ): Ասվում է, որ էլ բիզնեսի ոլորտում մրցակիցներ չեն Ղուկասյաններն ու Սարգսյանները: Ուրեմն ինչն է պատճառը??? Դեռ ամիս ու կես առաջ էր, որ Գյումրու քաղաքապետի նկատմամբ մահափորձ կատարվեց, ինչի հետեւանքով զոհվեցին նրա 3 թիկնապահները, իսկ Ղուկասյանը վիրավորվեց: Այժմ լիմիտը ջահելներինն է??? Դեպքի մանրամասները այստեղ…
Հոլիվուդյան մարտաֆիլմերի ամենաիսկական փոխհրաձգություն ու հաշվեհարդարների տեսրաններ Գյումու կենտրոնում… Երեկ երեկոյան տեղի ուեցած փոխհրաձգության մասին ասում եմ, որ մահացածներ կան, սակայն այդ մասին պաշտոնական աղբյուրները դեռ չեն բարձրաձայնում: Խոսվում է նաեւ, որ մի քանի վիրավոր ականատեսներ անգամ բժշկական օգնության չեն դիմել` վախենալով ցուցմունք տալու հրավիրվել: Ինչ է տեղի ունեցել կամ շարունակվում է տեղի ունենալ???
<Եթե ՀՀ նախագահական ընտրությունները լինեն վաղը, ում կնախընտրերեիք տեսնել ՀՀ նախագահի պաշտոնում>,- <Ա1+>-ի լրագրողը այս հարցն է այսօր ուղղել 85` տարբեր տարիքի եւ մասնագիտության տեր ՀՀ քաղաքացիներին:
Անցորդներին անչափ զվարճացրել էր ՙԱ1+՚-ի այս հարցումը, եւ նրանք մեծ պատրաստակամությամբ եւ հաճույքով էին կանգնում ու պատասխանում մեր հարցերին: Նրանցից ոմանք նույնիսկ հանդիմանեցին, որ ցուցակում պակասում է եւս մի թեկնածու` Լեւոն Տեր-Պետրոսյանը, որի օգտին այս պահին պատրաստ են ձայն տալ 85 հարցվածներից 3-ը: Մյուս ձայները բաշխվել են հետեւյալ կերպ:
Առավելագույն ձայներ հավաքեց Րաֆֆի Հովհաննիսյանը, որի օգտին իրենց ձայնը այս պահին պատրաստ են տալ 25 մարդ: Երբ նրանցից փորձեցինք իմանալ իրենց նախապատվության հիմնավորումը, գերիշխում էին հիմնականում հետեւյալ կարծիքները` ՙհամակրում եմ՚, ՙբարի աչքեր ունի՚, ՙմարդկային առումով սիրում եմ նրան՚, ՙինքը մի բան կարող է փոխել՚:
Ձայների առավելությամբ երկրոդ պատվավոր տեղում է ՀՀ վարչապետ Սերժ Սարգսյանը` 14 ձայնով: Մարդիկ նրա մասին այսպես արտահայտվեցին` ՙես վստահում եմ նրան, քանի որ իր աշխատանքներով է դա վաստակել` սկզբում Պաշտպանության նախարար, հետո` ՀՀ վարչապետ՚, ՙկընտրեմ նրան, քանի որ հանրապետական եմ՚, եւ այլն:
Երրորդ տեղում է ՙՆոր ժամանակներ՚ կուսակցության նախագահ Արամ Կարապետյանը` 12 ձայնով: Իրենց ընտրությունը մարդիկ հիմնավորում էին նրանով, որ նա ՙնորմալ մարդ է՚, ՙազգասեր է եւ հայրենասեր՚, ՙնրան եմ ընտրում, որ ժողովրդին նայի, միայն նա կարող է նայել՚, եւ այլն:
Մնացած թեկնածուները հավաքել են համեմատաբար քիչ ձայներ` Վազգեն Մանուկյանը 9 ձայն` իբրեւ փորձառու, ինտելեկտուալ, արժանիքներ ունեցող մարդ եւ ՙքաղաքական հոտառությամբ՚ օժտված, Արտաշես եղամյանը եւ Արթուր Բաղդասարյանը 7-ական ձայներ, Վահան Հովհաննիսյանը` 6 ձայն, Արամ Սարգսյանն ու Ստեփան Դեմիրճյանն էլ մեկական ձայն ստացան: Եղան նաեւ այսպիսի չեզոք պատասխաններ` ՙայդ անձը`իմ նախագահի թեկնածուն, չկա՚, ՙկգնամ ու չեմ ընտրի՚, ՙայս ցուցակում լիարժեք մեկը չկա՚, ՙեթե այս ցուցակը լինի ընտրության օրը, կգնամ անվավեր կանեմ՚, ՙես գիտեմ, որ ով որ պետք է, նա արդեն ընտրված է՚, ՙբոլորի վրա խաչ կքաշեմ՚: Կային նաեւ մարդիկ, որոնք երկու թեկնածուների մեջ չէին կարողանում կողմնորոշվել, իսկ ոմանք էլ նախընտրեցին չպատասխանել մեր հարցերին:
Իսկ Ձեր թեկնածուն ով է, Դուք ում կվստահեք երկրի կառավարումը???
<Ես հասկանում եմ, որ ոմանք սա կգնահատեն որպես հուսահատ քայլ: Բայց այս որոշումը կայացնելուց առաջ երկար եմ մտածել, եւ իմ արածը ոչ թե հուսահատ քայլ է, այլ քայլ է ընդդեմ հուսահատության>,-Նիկոլ Փաշինյանի այս հայտարարությանը հետամուտ` շարունակվում է քաղաքացիների հոսքը դեպի Ազատության հրապարակ <1+1+>ներով: Թումանյանի եւ Սպենդիարյանի պատվանդաններին փակցված այս թղթերին կան նաեւ ընդդիմադիր <Ազգային միաբանություն>, <Օրինաց երկիր>, <Ժառանգություն>, <Ժողովրդավարական ուղի> կուսակցությունների ստորագորությամբ թղթեր: Կարդացեք նաեւ այս եւ այս:
Վերջապես ընդդիմությունը կմիավորվի, թե ինչպես Նիկոլ Փաշինյանի հայտարարությամբ բացառող <հուսահատ քայլը> է սա, ի վերջո???
Արդեն մեկ գիշեր անցավ, իսկ ԿԸՀ-ն պաշտոնապես ոչինչ չի ասում հացադուլավոր Հակոբկոխյանին: Կարծես նման վճռականություն նախատեսված չէր…Այնուամենայիվ նրան առաջկեցելու եկող քաղաքական գործիչների ու կուսակցության ներկայացուցիչների հոսքը չի դադարում: Հոկոբկոխյանին գիշերը այցելել է նաեւ մեծամասնականով իր մրցակից Հեղինե Բիշարյանը…սպասենք Գրիգոր Մարգարյանին??? (<Բելագոյի Գրիշ>`, 11-րդ ընտրատարածքի հաղթող թեկնածու)???
Ընդհանարպես ինչ եք կարծում, հացադուլով արդարության հասնել հնարավոր է???
Ե.Գ. Հակոբկոխյանը իրեն այցելած Գառնիկ Իսագուլյանին (ՀՀ նախագահի խորհրդական) ասել էր. <շեֆերին տեղեկացրու, որ չեմ դադարեցնելու հացադուլը, մնալու եմ էստեղ, մեռնեմ>…
Հոմոֆոբիան դա նախամտածված ատելություն է միասեռականների հանդեպ, որը հավասար է ռասիզմին եւ ուղեկցվում է միասեռականության դեմ ուղղված օրենքներով, քաղաքականությամբ, եկեղեցու եւ պետության բացասական դիրքորոշմամբ: Հաշվի առնելով այն հանգամամքը, որ Հայաստանում այսօր 1734 գրանցված միասեռական կա, ենթադրում եմ, որ շուտով այս օրը շրջանակով կընդգրկվի օրացույցում: Կարդացեք Հայաստանի միասեռականների մասին այստեղ:
