Եթե այս կիրակի լինեն ընտրությունները, ապա <Ժառանգությունը> առաջին տեղը կզբաղեցնի` ստանալով ընտրողների ձայների 17%-ը: 2-րդ տեղում կլինի <Դաշնակցությունը>` 13%-ով, իսկ 3-րդ տեղը կկիսեն <Ազգային ժողովրդավարական կուսակցությունն> ու <Իմպիչմենթ> դաշինքը 10% ձայներով:
Նման արդյուն է ցույց տվեց <Ա1+>-ի կայքի այցելուների շրջանում անցկացված հարցումը, որին մասնակցել են 1740 հոգի:
Հետաքրքրական է, որ Հանրապետական կուսակցությունը միայն 7% ձայն է հավաքել, իսկ <Բարգավաճ Հայաստանը>-ը 3%:
Հավանաբար վերջին իրադարձությունները նշանակություն են ունեցել <Օրինաց երկրի> վրա (մամուլում հիշատակումների հաճախություն) եւ վերջինս հավաքել է քվեարկողների ձայների 6%-ը:
Ընտրացուցակից դուրս եկած ՀՀՇ-ն հավաքել է 5%: Մյուս կուսակցությունները 3,  2 կամ 1 տոկոս ձայներ են հավաքել:
Իսկ ահա <Երիտասարդական>,  <Առաջադիմական>,  <Ժողովրդական> եւ  <Ազգային համաձայնություն> կուսակցությունները ոչ մի ձայն չեն հավաքել:  
Ինչ եք կարծում, <Ա1+>-ի օն-լայն քվեարկության արդյունքները գոնե մասամբ <կարտահայտվեն> մայիսի 12-ի ընտրություններում???

Օրերս  անդրադարձել էի  ՕԵԿ առաջնորդ Արթուր Բաղդասարյանի եւ Հայաստանում  Մեծ Բրիտանիայի փոխդեսպան Ռիչարդ Հայդի զրույցի գաղտնալսմանը եւ շնորհակալություն եմ հայտնում Ձեր մեկնաբանությունների համար:

Իրադարձություննրի հետագա զարգացման համատեքստում առաջարկում եմ քննարկել Արթուր Բաղդասարյանի  հայտարարությունը     հեռուստատեսությամբ, ըստ որի` նրա կյանքին վտանգ է սպառնում… Ինչ եք կարծում այս մասին??? 

Ոտնձգություն է կատարվել խոսքի ազատության եւ դրան նպաստող կառույցների դեմ: Ռուսաստանում իր գործունեությունն է դադարեցրել Կրթված մեդիա  հիմնադրամը, որը լրագրողների շրջանում հայտնի Ինտերնուս կազմակերպության իրավահաջորդն է: 

Զեյմս Բոնդը հանգստանում է, երբ  հայկական հետախուզությունը <ճիշտ ժամանակին  եւ ճիշտ մեկնաբանությամբ> բացահայտումներ է անում:
Եկեք խոսենք <Օրինաց երկիր> կուսակցության առաջնորդ Արթուր Բաղդասարյանի եւ Հայաստանում Մեծ Բրիտանիայի փոխդեսպան Ռիչարդ Հայդի զրույցի գաղտնալսման մասին է, որից մանրամասներ են հրապարակվել: